Jai Mata di 🙏🙏

Jai mata di🙏🙏

Mummy pls aaj pyaz ke parathe bana do,nahi beta ab 9 din tuk ghar main koi pyaz nahi,lehsun nahi aur haan ande ka to nam hi mut lena...peeche se chintu ki dadi boli.
Kyun dadi aisa kya hain..jo 9 din tuk pyaz, lehsun nahi...are beta navratri hain... Mata rani ke din hain ...humein shudh khana khana chahiye..Roj mata rani ko dhok lagani chahiye...to dadi main dhok lagaunga..aur ache se bhi rahunga
 par pls pyaz ka parathna to kahne do...chintu maine mana kiya na ..juban mut lada...chintu gussa hokar bina khaye hi chala gaya.
Peeche se dadi chillayi..nahi khata to na khaye ...par ab 9 din tuk koi aisi cheej nahi ayegi jisse dharm bhrashth ho aur mata rani gussa ho.
Tabhi pados se dadi ki frnd aa gayi..are Bimla kya kar rahi hain...are tujhe pata hai ye samne valo ki ladki roj kisi ladke ke sath sham ko ati hain ...pata nahi kon hain ...kya hain ..kis jat ka hain...khair Hume kya..uske ghar vale jane.
chintu ki dadi boli ...khana kha liya... to frnd gusse se boli ...are kaha ..bahu ko phone se phursat mile to khau ....abhi to taiyari kar rahi hain ..aajkal ki ladkiyon ko koi Sharm laj to hain nahi.
Tabhi chintu ki dadi dheere se boli...are hamare kon si Kum  hain..
apni manmani  chalate hain.... pote potiya bhi aise hi ho gaye..jara si bat par mooh phula le...aise hi dheere dheere dono  ghante  bhar tuk bat karte rahe.
Idhar chintu ki mummy kam karte hue soch rahi thi ki ..pyaz ,lehsun kahne se mata rani naraz hoti hain ...par ek dusre ki bat karne se kush hoti hain kya...kya hum pyaz  lehsun ke sath ye bhi vachan nahi  le  ki tan se, man se ,karm se kisi ka bura nahi karenge .kisi ke liye bura nahi bolenge....at least 9 din to karne ki koshish kare...kya pata mata rani ko naya formula acha lage🤔...par uski ...dadi ko bolne ki himmat nahi hui..... kya pata uske bolne se bado ki ijjat kum ho jaye...vo to chupchap soch rahi thi ki chalo chintu ko kush karne ko usko bina pyaz ka cheez vala pasta  banaye...kyun ki mata rani pata nahi kush hain kya chintu bhukha gaya to, par chintu ki maa kush nahi hain ....vo to apne bache ko kush karne ki koshish main lagi hain.

Jor se bolo jai mata di🙂🙏

Ek bar sochiyega jarur

Ek bar sochiyega jarur

Gadi ko side nahi dene par ladke ne 40 saal ke aadmi par goli chala di.
Student ne apne teacher par gun chala di.
Bache ne mobile main khelne se mana karne par apne papa ko talwar se mar diya.
Kya ho raha hain ye....ye kis tarah ki news chal rahi hain...ye ho kya raha hain hum sab ko ...hum itne aggressive kaise hote ja rahe hain...patience kaha gaya hum log ka...na sunna to hamari adat main hi nahi hain...koi hum ko kuch samjhaye to vo hum sun hi nahi Sakte.kabhi socha aisa kyun.
Aaj hum kis period main hain...jaha 2 minutes maggi hain...instant coffee hain...30 minutes pizza delivery hai ...online shopping ka time hain ..watsapp msgs hain...bhejte se hi logo ko mil jana..video download na ho to gussa.kahi logo ko har cheej instant milna hi to unka aggression ka karan nahi?
Ek time tha ....hum letter bhej kar hafto uske ane ka wait karte the ..uska bhi ek alag hi maja tha...train se jate the to logo se itna ghul mil jate the..ki manjil par pahaucne ki jaldi nahi hoti thi ...inspite safar main jyada anand ata tha ..har cheej tasaali se hoti thi...logo ke pas ek dusre ke liye time hota tha unki baat sunne ka.isiliye tub ke logo main patience hota tha.
Aaj logo ko sab facility hain...inspite vo satisfy nahi hain ..unki ye asantushti hi ek din frustration main badal jati hain... and tub hi ye newspaper ki headlines ban jati hain.
Mana aaj hum bahaut advance ho gaye and time ke sath change bhi hota hain ..and hona bhi chahiye...but jara sochiye ki hum kub kush the .....tub ya ab....santusht kub the ..tub ya ab.
Badlav ho to ache ke liye...aise badlav ka kya phayda ..jisse hum apne aap ko to nuksan pahauchaye hi ....dusro ke liye bhi khatra ban jaye.
Ek bar sochiyega jarur.

Social media😇😇( kya karu ..kya na karu🤷‍♀️)

Social media😇😇(kya Karu...kya na kya na karu🤷‍♀️)

Aaj news paper main news hain ki supreme court bhi bahaut chintit hain social media ke jyada use se...even ek judge ne to yaha tuk kah diya ki main smartphone ki jagah keypad lene ki soch raha hu.
Tub se mere man main isko lekar dhero sawal hain..ki kya ye harmful hain ya useful hain...main kisi decision par nahi pahauch pa rahi... maine apni manosthiti  ko kuch in shabdo main likha hain...
Vah re social media teri maya..
Kabhi ek click main le selfie...
Kabhi door koi click kare tumhari photo.
Ghar baithe jhatpat hum kare net banking...
Chor kare hamare online account main ghuspaith.
Ek hi post kar de tumko popular..
Aur kabhi ek hi post bana de tumko hasi ka patr.
Ek hi video se ho jao tum famous..
Kabhi lage kaha  kho gayi hamari nijata(privacy).
Kabhi lage kitna badiya hain ye manoranjan ka sadhan..
Aur kabhi lage cheen liya isne hamara sukh chain.
Kahi Mil jaye apne bachpan ke dost
Kahi Chin jaye hamare ghar ke rishte
Kabhi lage khatta... kabhi lage meetha.
 Kabhi apna sa kabhi paraya..
Main iske pas jana nahi chahti
Aur dur isse rahna nahi chahti.
🤔😇😇

Aaj ka Akelapan ( A short story)

Aaj ka akelapan( A short story)

Bhabhi ye aap diary main kya likhti ho.....mahine ka hisab? Kam vali bai ne kavita se pucha to vo has kar boli ...mahine ka nahi ...jindagi ka hisab likhti hu.Bai neeche jameen par baith gayi aur sawaliya najaro se kavita ko dekhne lagi  .Bhabhi jindagi ka hisab ...matlab.🤔
Kavita thodi hasi aur phir boli..mere sath kya ho raha hain...main din bhar kya karti hu..mujhe kya acha lagta hain ..kya bura...kub gussa ata hain..kub kush hoti hu..vo sab main is diary main likhti hu.
Bai chakit hokar boli..to aap bhaiya ko aur bacho ko kyun nahi batati.kavita thodi ruki.....phir
gahari saans bhar kar boli...tere bhaiya aur bacho ko mere liye time hi kaha hain.. Beta apne frnds ke sath chatting...beti Facebook frnds...aur tere sahab vo din bhar business ki tension main rahte hain...kahte hain ki ate hi chikchik...let me live my time...
  and vo apne mobile main busy.
But haan ye diary ke pas mere liye time hi time hain ...ye meri sari shikayte,gussa, kushi ...sab tasseli se sunti hain ..iske pas bahaut time hain mujhe samjhne ka.
Bai kuch samjhi ...kuch nahi aur apne kam main lag gayi
Agle din sab apne apne kam ki bhag daud main busy the ..kavita sabki jarurat ke according kam kar rahi thi ki tabhi vo chakkar kha kar gir gayi aur behosh ho gayi .sab ghabra gaye aur doctor ke lekar bhage.Doctor ne bataya vo depression main hain ...treatment chalega.sabko surprise hua ki kis baat ka depression tha ...hum ko to pata hi nahi chala... tabhi peeche se bai ki awaj ayi ...sahab aapko pata ho na ho par bhabhi ki diary ko pata hoga ..aap log ke pas time hi kaha tha bhabhi ke liye... aap log ne to apni ek alag hi duniya bana li thi apna akelapan dur karne ke liye.Sab ne ekdum se bai ko peeche mud kar dekha ki ye kya kah rahi hain isko itna kuch kaise pata hain jo hume bhi nahi pata...sab bai ki bat sun kar ek atamglani(guilt) se bhar gaye.....is time sab kavita se bat karna chahte the .....par kavita vo chupchap so rahi thi.
Bai achraj bhari najaro se sabko dekh rahi thi ...ki aaj ye log bhabhi se bat karke apna akelapan dur karna chahte hai 🤔......bhabhi to kubse ye hi chahti thi.

Choti si shuruaat..A new begining(A thanks note)

 Choti si shuruaat..A new begining( A thanks note)

Kaise karu...Karu ya na karu...dar sa lag raha hain...Sab kya kahenge...koi hasa to...rahne do nahi shuru karti...man main ajeeb sa lag raha hain.
Koi nahi start karti to hu...jo hoga dekha jayega...kahi se to shuru karna hi padega..aise hi kuch hajaro sawal mere man main the ...jub maine blog likhna start kiya tha.
Ek dar..ek hichak..log kya kahenge.But aaj na na karte I have published my 10 blogs😊
And ye sab aap log ke support ke bina possible hi nahi tha..aap sabke comments and views ne mujhe motivate kiya kuch karne ka.
And ab meri responsibility aur jyada ho gayi kuch acha likhne ki...pahle se acha karne ki ...and haan... mere blogs se kabhi kisi ko dukh na pahauche...  kisi ki feelings hurt na ho.....bus ye hi main pray karti hu.
And aap sabki wishes chahti hu..hope u all are always with me and support me in future also.
If u are with me then please give thumpsup👍.
Thanku once again🙏🙏

Hum badlenge.....system badlega

Hum badlenge..system badlega

bKuch din pahle paper main news ayi.... ki hamari koi bhi university world ke top 300 main bhi stand nahi karti...pad kar hi itni Sharm ayi ki hum itne peeche hain...India ke bache bahar jakar itna nam kar rahe hain ,aur hamare desh main inko sahi education bhi nahi mil rahi
Jubki ye vo hi India hain jaha ka Nalanda vishvidhyalaya sare world main famous tha ....pure world se yaha education lene bache ate the ...kyunki tub hum bacho ko educate karte the,moral values dete the ...ab to schools ,colleges business ban gaye.
Hamara system hi aisa hain ki hum bacho ko 5 star hotels ki facility dete hain ...but education level ka dhyan nahi rakhte ..apne institute ka result 100% jaye uske liye har tarika apnane ko ready rahte hain..but bache ko kya chahiye ..uska kya interest hain... nobody care .
Teachers bacho ko school main kahte hain,'meri tuition class join karo'...kyun ...tum unhe school main hi kyun nahi sahi se padate... kyun nahi hum un bacho ki extra classes arrange karte jin students ko uski need ho.. but agar aisa karenge to tuition ke nam par unka jo business hain uska kya hoga. Aaj colleges main admission ke liye cutoff 90% jati hain... mean 80% vale bekar hain. Tum cutoff itni high rakhte ho ...what about your education standard ...uski cutoff  kon decide karega.
To kya hum ye samjhe ki sara dosh system ka hain ...nahi isme hamara mean parents ka dosh jyada hain...humne bacho ko marks ki ,% ki factory samjh liya ,jaha 9o%  se neeche to accept  hi nahi karte .... aur bacho ke Marks  se  hum hamara standard society main dekhte hain ,... chahe is  marks ki race mein unka bachpan peeche rah jaye ..we don't care .
kya hum log bhi bachpan main 90% lekar aye the ....chup kyun ho gaye ...yad kijiye.
Aur vaise bhi kya only ye mark unka future decide karenge.. humne kabhi socha ki hum unhe educate to kar hi nahi rahe ..bus unhe Marks ki race main  daud lagwa rahe hain.Please meri sabhi parents se request hain... apne bacho ko samjho...unka interest dekho ,har bacha studies main acha  ho jaruri nahi....vo average bhi ho sakta hain , uska interest kuch aur ho sakta hain ..humein vo hi dekhna hai ...hum nahi dekhenge to kon dekhega.
Humein hamari education policy har bache ko dhyan main rakh kar banani hogi.
Aur tub hi hamara desh bhi world main apna nam karega ..aur agar education system bhi sudhar jaye to hamari university bhi world rank mein ayegi😊👍

Ek ladki ke man ki vyatha(dard)🙇‍♀️👩‍🦰

Ek ladki ke man ki vyatha(dard)🙇‍♀️👩‍🦰

MAA BAAP KA GHAR
Tum to paraya dhan ho
Aaj ya kal tumhe tumhare ghar jana hi hain....
SASURAL
Ye to paraye ghar se ayi hai
Ye kya is ghar ko apna samjhegi....
Ladki
Ek kone main aankho main asu aur man main dhero sawal🤔
Mera Ghar konsa hain...
Main kis ghar ko apna samjh kar
Apna ghosla banao🏡🏡
Ek aisa ghosla jaha koi mujhe paraya nahi kah sake😊

Rishte (Dil💓/Dimag🤔)

Rishte(Dil💓'/Dimag🤔)

Aapka Dil bahaut Keemti hain
Koshish kare isme vahi rahee
Jo rahne ke kabil ho'

Kitni sahi lines hain aur shayad koi bahaut Dimag vale person ne likhi hongi.
But kya such main humein aisa karna chahiye, rishte nibhate hue calculation karein ..ki kya hamare liye sahi hain ..kya galat hain,kis rishte se humein phayda hoga....
kis se nuksan.
Haan shayad ye bat unke liye sahi hain jo rishte nibhate hue Dimag ka use karte hain ,aur apne favour ke liye rishte nibhate hain.
But jo rishte Dil se nibhate hain vo bus rishte nibahne main yakin rakhte hain.. aur puri shiddat se apna rishta nibhate hain ... phir chahe isme unka ego hurt ho...unki self respect ko chot pahauche ...they even don't care.. vo sab kuch luta kar bus pure Dil se rishte nibhate hain ...aur ise nibhate hue chahe vo khali hath rah jaye... vo parwah nahi karte
Vaise aajkal jo log Dimag se rishte nibhate hain vo jyada kush rahte hain ..but pata nahi kyun mujhe aisa lagta hain ki rishte nibaho to Dil se nibaho.. Dimag se to vyapar (business) hi nibha lo😊 ...and dekhna agar Dil se rishte nibhayenge to Dil se kushi bhi milegi...par Dimag se nibhayenge to Guilt main rahenge.
Pls aap log comments ke sath jarur bataye ki rishte kaise nibahne chahiye ...Dil se ya Dimag se.

Double standard(dohari mansikata)A SHORT STORY🤷‍♀️🤔

Double standard(dohari mansikat)A short story🤷‍♀️🤔

Roj ki tarah Suman apni saas ke liye chai lekar gayi ...uski saas apni kisi rishtedar se phone par bat kar rahi thi ,jiske bete ki wife ki kuch time pahle death hui thi ,uski 15 saal ki bachi bhi thi.Bete ki maa chahti thi ki beta dusri shadi kar le par beta raji nahi tha .suman ki saas use samjha rahi thi,   kyun nahi man raha tera beta .....abhi uski umar hi kya hain... aur jub beti shadi karke chali jayegi to vo kiske sahare rahega ,use Sahara dene vala bhi to koi chahiye .Tu chinta mut kar main aakar samjhaungi , are sari jindagi padi hain uske samne.
Jaise hi Suman ki  saas ne phone rakha to usne apni saas ko chai ka cup pakdate hue kaha .....mummy meri frnd ki bhi same story hain ,abhi kuch time pahle hi uske husband ki death ho gayi.. uske 1 beta hain jo 10th main hain ,Main bhi use samjhati hu ki dusri shadi ke liye soch.
Itna sunte hi uski  saas boli... ab is age main dusri shadi karke kya karegi ,are apne bache ko sambhale,use padaye ,bada kare .Ab in sab main hi usko apna man lagana chahiye.
Sunte hi Suman ka mooh khula ka khula rah gaya ,laga jaise  vo sunn ho gayi ,  uski  saas  jo kuch der pahle isi situation main kuch aur kah rahi thi ab bilkul opposite.... kyun.....kyunki ....phark sirf itna tha ki udhar ek Aadmi hain aur idhar ek Aurat.Suman  bina kuch kahe chai ke khali cup lekar kitchen  ki side bad gayi ....par uska dimag  un cups ki tarah khali nahi tha...... jisme bhare hue the sawal...sawal apni saas ke .....ya kah lo is samaj ke Double Standard ko lekar.. jinka uske pas koi jawab nahi tha.🙇‍♀️🤷‍♀️

Himmat/Manjil

Himmat/Manjil

'Sampark tuta hain
Hausla nahi
Vikram ruka hain
Isro nahi'
Kal rat pura desh chandrayaan2 ke  us aithihasik pal ka gawah banna chahta tha..sabko lag raha tha ki bus manjil mil hi gayi....pure world main hamara nam hoga .....par end moment main hum sabke sapne tut gaye.. hum hamari manjil se kuch kadam door rah gaye... ek bar ko sab hatash ho gaye ,Nirash ho gaye ....par agle hi pal socha...koi nahi abhi manjil aur hain.... raste naye banayenge...manjil tuk pahauchenge ...himmat nahi harenge.
Aisa hi kuch hum sabke sath jindagi ke kisi na kisi mod par hota hain....humein lagta hain hum hamari manjil tuk bus pahauch hi gaye...hum bahaut excited ho jate hain ...bade bade sapne dekhne lagte hain...kalpanao ke sansaar main chale jate hain..par agar kisi karana se  hum hamari manjil tuk pahauch nahi pate...hum nirash ho jate hain ..depression main chale jate hain...ek pal ko aisa lagta hain ki sab kuch khatam ho gaya...ab jindagi main kuch nahi bacha par main un sabko kahna chahungi....
'Manjil khoi hai
Raste nahi
Sapne tute hai
Himmat nahi'
Aur jaisa ki aaj sara desh Isro par garv ka raha hain..... unke prayaso ko ,unki koshish ko Sarah raha hain unki tarif kar raha hain.... unki aur ummido se dekh raha hain ki haan 'Hum honge kamyab ek din'......aisa hi hum sabke sath bhi hain agar hum fail hote hain.... par humne koshish  kari hain....in failure se kuch sikha hain.... to logo ko  bhi ummed hoti hainki hum jarur kuch acha karenge....success honge.
Vaise bhi hum  padte aye hain
'Leharo se dar kar Nauka par nahi hoti
Koshish karne valo ki kabhi har nahi hoti'

Main (I)😎💃/🕺

Main(I)😎💃/🕺

Aaj Main nahi hota to tum ek kadam nahi chal sakte the....ye ghar mujhse chal raha hain....main nahi hota to tumhe is duniya main koi nahi puchta...Main ,Main ,Main...ye ek shabd har aadmi ke andar hota hain, koi is Main mein hi jindagi gujar deta hain aur samne vale ko aise jatata hain ki vo hi uski jindagi ka malik  hain ...vo hi uska karta dharta hain...par kya such main aisa hi hain

Hum sab dekhte aye hain... kitna bhi bada aadmi ho, uske hone par hum sochte hain ,ki uske bina hum ek kadam nahi chal sakte ..we can't survive without him... but aisa nahi hota,agar vo kisi vajah se vaha nahi hain to bhi duniyan chalti hain ..haan kuch der ke liye thithakti hain ,atakti hain ....par chalna seekh hi leti hain.

To phir kyun hum is Main mein jeete hain ...kyun na hum is Main ko Hum bana le aur samne vale ko bataye ki you r also important in your place....tumhara bhi astitav hain.... uske vicharo ki ,bhavnao ki utni hi kadar hain

Phir dekhna agar tum us jagah nahi bhi hue to tumhe miss kiya jayega ...tumahrii importance samjhi jayegi.

But agar hum is Main mein hi jeete rahe to ek time ke bad us jagah par sab ghutan mahsoos karenge ...vaha se nikalne ko jhatpatayenge...and uske na hone par ajad mahsoos karenge

Isliye agar humein kisi ki duniya main jagah banani hain to Hum ban kar banani hogi... Main ban kar nahi.